Ekainaren 20an, Haur Hezkuntzako umeak Jauregibarria parkera joan ginen. Nahiz eta herriko parkea izan eta askotan egon, goiz atsegina pasatu gendun ikastetxeko lagunekin. Ibilbide osoa egin gendun, leku desberdinetan geldialditxoak eginez. Kolunpioetan egon ginen, ahateak ikusi genituen, pelotarekin jolastu…Bai egun polita!!!!!

DBH 4.mailakoen Agurra

Joan dan barikuan hilaren 17an Karmengo Ama Ikastetxeak bere laugarren mailako ikasleak agurtu ebazan.  Hau urtero egiten izan dogu baina aurten berrikuntza batekin, arratsaldez izan da eta familiak ere parte hartu dabe.  Kaperan meza, power pointak, aurreskua eta malkoren bat ere izan genduzan.  Ekintza oso ederra eta hunkigarria izan zan.  Gero danok alkartu ginan jantokian kopotxu bat egiteko eta eguna familia giroan amaitzeko.  Eskerrik asko Hezkuntza Alkarteari, bai ikasleei, familiei, monjei, irakasleei, gurasoen alkarteari eta parte hartu dozuen guztioi.  Gero Arte!

Irteera Gorbeira
Pasadan Ekainaren 14an –asteartea-, DBHko 3. Mailako ikasleek Gorbeiako parke naturala bisitatzeko aukera izan zuten. Hain zuzen ere, Itxinara joan ziran. Pagomakurretik ibilbidea hasi, Axulareko begitik igaro eta Supelegoreko kobak ikusteko aukera izan zuten ikasleek.
Ibilbidea bukatu eta gero, Areatzan kokatuta dagoen interpretazio gunean bideo bat ikusi zuten.

BIZIKLETA TXANGOAN

DBHko 1. mailakoek pasadan ostegunean –ekainak9- bizikleta irteera egin zuten. Ibilbidea honako hau izan zen: Eskolatik irten, Larreara heldu eta gero, San Isidroko ermitaraino ailegatu ziren. Handik Larreara berriro, eta San Bartolomera.
Eskertu behar diegu Zornotzako udaltzangoei, herritik arazo gabe irtetzen lagundu baitziguten.
Ibilbide osoan ez zen istripurik egon, eta dena oso ondo irten zen, eta eguraldiak ere lagundu egin zuen.

Herriko ura analizatzen

Ekainaren 1an eta 2an, DBHko 3.mailakoak Boroara joan gara, bertako eureka bateko ura analizatzeko eta ingurunea aztertzeko. Arratsaldeko  14.30etan Auzobusa hartu eta martxan jarri gara. Hainbat parametro neurtu doguz: nitratoak, fosfatoak, amoniakoa, pHa, tenperatura, oxigeno disolbatua, oxigenoaren saturazioa, bakterio koliformeak….Nahiz eta begi bistaz errekaren ingurua nahiko zikin egon eta gizakiaren eragina nabaria izan, emaitzak ez dira txarrak izan eta uraren kalitatea ona da (horregaitik ornagabe ugari behatu ditugu). Oso esperientzia polita izan da eta pena merezi dau, naturaz gozatzea eta natura zaintzea.

IKASTETXE EGUNA

Ekainaren lehenengo Zapatuan, urtero lez, Ikastetxeko eguna ospatu egin gendun eguraldi zoragarriaren laguntzaz.
            Aurten barria izan zan, barikuan garatu gendun programa, Familiei gonbidapena eginez, Gikorerekin gagozala adieraziz. Arratsalde horretan, Basoaren adierazpena egin gendun, kirol ekintzak be ospatu ziran eta Elkartasun taberna eta Elkartasun denda be zabaldu genduzan. Elkartasun inguruko solasaldia be izan zan eta hainbat ideia eta komentario batu egin ziran garrantzizko helburu honetan lan egiten jarraitzeko.
            Eta gero…. Discoteka. Jo ta ke hamabiak arte!
            Zapatuan, Eukaristiarekin hasi gendun jaialdia. Eskolako umeen partaidetza hunkigarria izan zan eta Hezkuntza Elkarteko talde desberdinen ordezkariak izatea be oso polita izan zan. Eskerrik asko danori.
            Ondoren, guztia programaren arabera garatu zan. Herriko hainbat jende hurbildu zan, eskolen arteko ekintza kiroletan parte hartzera. Erakusketak be oso interesgarriak izan ziran. Gero, gurasoen batzuen lanari esker, hemen bazkaldu eta umeei hainbeste atsegin daben espuma, txokolatea eta magoa izan ziren.
            Benetan aipatzekoa da eskolako Hezkuntza Elkarteko partaidetza eta Gurasoen Elkarteko inplikazioa eta gogoa… Ilusioz egiten dana urrinetik igertzen da, ez dozue uste?
            Astelehenean, Pastoral taldeak, harriturik konta eban Elkartasun dendan baturiko dirua. 1.310€!!!!! Eskerrik asko benetan danori! Gikorek eskertuko dau adierazi dogun eskuzabaltasun hau!
            Uste dogu, argazkiak…. goza gendunaren erdia baino ez dabela erakusten, ezta?.
            Orain, gelditzen diren egunetan, lanean jarraitzeko indarraz, ikasturte amaiera polita eta lasaia opa deutsuegu danori.

DBH1's Day Trips - Ibilaldiak

Last Wednesday , May 25th ,class 1 C went to La Arboleda to visit  one of the most famous remains of our industrial past, an open cast mine, formerly one of the hundreds of mines along the left bank of the Nervión river, that supplied  iron to the factories of half Europe during the last two centuries and, nowadays a touristic attraction visited by a lot of people every year.
There, we were able to visit the Minery Interpretation Centre, where we were taught about the traditional minery in Biscay, were thousands of workers made a living. A primary sector  that attracted miriads of immigrants for decades  and such a huge source of income that  let another strategic industries develop: Ship construction and Iron and Steel high ovens. A very important part of our past, our wealth and our culture.
Guides were marvelous as well and they helped us enjoy even more. The weather was also fantastic (too hot in fact) and we all had a lovely time surrounded by nature in an awesome landscape.

Pasa den eguenean, maiatzaren 26an, DBHko 1Dko ikasleak La Arboledara joan ginan ibilaldi bat egitera. Meategien garrantzia Euskal Herrian eta meatzarien bizitzei buruz gauza asko ikasi genduzan. Eguraldia ez zan oso ondo portatu baina ikasleak aldiz, bai. Ibilaldi aproposa familian egiteko. Anima zaiteze!

SCRATCH EGUNA 2011

Ikasleak teknologiaren munduaren murgiltzeko asmoarekin, KARMENGO AMA ikastetxeak Bilboko Alhondigan ospatutako Scratch egunean parte hartu eban.
Scratch eguna Euskal Herriko ikastetxe desberdinak egindako lanen aurkezpena da.
Lanen artean hurrengoak aurkitu daikeguz:

• 24 segundoko eta Scratch programarekin egindako animazio bat.
• Scratch programarekin egindako joko informatikoa.
• Scratch egunerako kartel bat.
• Benetako aplikazioaren eragiketa.

Guzti hau pasadan Maiatzaren 21ean ospatu zan jai giro batean eta LH-ko ikasleak protagonista izanik.
KARMENGO AMA ikastetxetik honeek izan ziren parte hartu eben ikasleek:Ane Arregi

• Ana Gomez-Coronado.
• Asier Herrero.
• Jon Rekalde.
• Olatz Ugalde.
• Amaia Zarate.
• Beñat Zurinaga.

Maiatzaren 20an, Haur Hezkuntzako, 3, 4 eta 5 urteko umeak ibilaldia egin gendun. Lehenengo, Gernikara joan ginan. Europa parketik bueltatxo bat emon gendun, ahateak eta Gernikako zuhaitza ikusiz.
Gero, autobusez Errigoiti herrira heldu ginen eta bertan bazkaldu gendun. Pilo bat jolastu eta gero Zornotzara bueltatu ginan neka-neka eginda.

Mendiko Jaia gure ikastetxean

Urtero egiten diran  mendiko txangoa eta kurtsoari amaiera emoteko jaia bertan Zornotzan eta Karmengo Aman egin ziran atzo.  Ibilaldi oso polita, Arrinda auzoko Astitxera igon ginan eta handik ikuspegi ederrak ikusi ere, gero Otxabarron Tajuren iturrian urten, bidea zeharkatu eta Goikoelortzatik San Joaneko zelaira atsedena hartzen.  Handik Txolon futbol zelaira gero  Kondorrera, Nafarroako landetara eta zubi barritik ikastetxera.
Bertan pintxoak, edariak, tirolina, rokodromoa, opariak eta giro ezinhobea. Mila pertsona inguruk  parte hartu genduan eta denporeak lagundu euskun.
Eskerrik asko bai  mendiko federaziokoei, Ondarrukoei (arrain pintxoak gozo gozoak betilez), gurasoen elkarteari, guraso eta irakasle laguntzaileei ere holango antolakuntza ederragaitik.  Datorren ikasturterarte!

Gaur Maiatzak 13, zelaieta parkean, gure ikastetxeko DBHko 3. mailakoek HERRI KIROLAK jolasak izan dituzte. Gure ikastetxeaz aparte, Karmelokoek eta institutokoek ere parte hartu dute.
Esan beharra dago ikasleek oso gustara aritu direla, eta partehartzea ona izan da.. Txokor batzea, txingak, soka tira, zaku lasterketa izan dira, besteak beste.
Joku guztietan maila ona izan da eta herriko jendeak gustara ikusi du ekitaldia.
Azkenean sari banaketa izan dugu eta denok poz pozik ikastetxera bueltatu gara. Barikua da eta!

Madariaga Dorrea

Maiatzak 10ean DBHko 2.mailako ikasleak Madariada Torretxea (Busturia) joan gara. Bertan, Urdaibaiko Biosfera Erreserbari eta Biodibertsitateari buruzko gauza asko ikasi doguz. Ikuspegi ederrak ikusi, ekosistema desberdinak ezagutu eta animaliei buruzko gauza kurioso batzuk ikusi doguz. Bazkalorduan zelango ligoteoa egon dan frantsesekaz! Bazkaldu ostean Txatxarramendira hurbildu gara kostalde harritsua aztertzeko. Gero itsasontzia hartu eta Laidara joan gara Kostalde aretsua eta dunak aztertzeko asmoz.

EDUARDO CHILLIDA"
EUSKADIko 9. OLINPIADA MATEMATIKOA

Hurrengo larunbatean, Maiatzak 14, gure ikastetxeko DBHko 2. mailako  ikasle bik, Aritz Labrador eta Asier Quintanak zehazki,2010-2011ko 9. Euskadiko Olinpiada Mateatikoa Eduardo Chillida 2. Faseko ekialdian parte hartuko dabe. Aupa Mutilak! Hezkuntza Elkartearen partez.

EUSKAL  ASTEA 2010-2011: BARIKUA

                Egun haundia heldu jaku eta izugarri polita izan da. Goizean goizetik DBHkoak jantzi dira “Zazpiak bat” gaia hartuta, zazpi probintzien inguruan, eta zelan! Ederto! Arlo erlijiosoa ere agertu da irakasleen eskutik eta Karmengo Amari eguraldi onak (nahastean eguzkia eta euria) eskatu deutsaguz danok batera. Sorpresatxo bat ere izan dogu irakasleak txotxongilo  dantza egiten ikusiz eta polita izan da benetan. Buruhaundiak be buelta batzuk emon dabez batzuen pozarako eta ez hainbeste beste batzuentzat.  Gero bakoitza bere ekintzetan jardun dau:  txikiagoak jokoetan, nagusiagoak sukaldaritzan eta baita herri kiroletan. Aurtengo Challengearen irabazleak honexek dira  DBH 1 eta 2 artekoak Lantzeko ihauteriak taldea En eta nagusien kategorien Aker taldea  eta afaritxo bat irabazi dabe ospatzeko
Zorionak danori!  Erromeria primeran egon da eta jaia amaitzeko zelan ez! … txokolatea gozo-gozoa.  Eskerrik asko danori zeuen partehartzeagaitik: ikasle, irakasle, langile eta guraso guztiei. Oporrak ondo igaro!

Gaur eguna betilez, euskal astean, musikagaz hasi dogu eta DBH4 mailakoak prestatutako irratsaioagaz. Hori egin ondoren DBH 1. eta 2. mailakoak Belatxikieta mendira joan dira eta DBHko 3. eta 4. mailakoak Bizkargira.  Egun ederra izan da mendiaz eta naturaz gozatzeko. 
Bitartean “Basoa” ikuskizuna izan dogu jolastokian, bertan udaberriko zuhaitzak eta loreak, zomorroak, txoriak, arrainak eta animaliak agertu jakuz, musika ederrarekin batera. Gerotxoago LHko 2.ziklokoek film bat ikusi dabe saloian: “Dragon Hill”  Arratsaldean Ibarretxe anaiak etorri dira eta bertoko musika tresnak azaldu deuskuez LHko ikasleei pazientzia osoz. Egin Kantu jaialdia ere garatu dogu eta ikasleak eta andereñoak zenbat gure abestu eta dantzatu dabe.
Eta beste egun bat amaitu jaku, egun handiari leku eginez!!

EUSKAL  ASTEA 2010-2011: ASTEAZKENA

Gaur asteazkena, hainbat ekintza izan ditugu eskolan. Goizean LH-ko 1. ziklokoek” Bazen behin baso bat” pelikula ikusi dute eta  2. eta 3. zikloek kantaldia izan dute. “Olatua” eta guzti egin dute.
DBH-koek kultur lehiaketa izan dute eta 3. mailakoek irratsaioan hartu dute parte.
Hamabietan, Patxi Zubizarreta idazlea etorri da eskolara eta 3.DBH-ko ikasleak harekin egon dira, “Eztia eta ozpina” liburuaren harira.
Haurtzaindegikoek berriz, andereñoek prestatutako txotxongiloen saio bat ikusi dute eta oso ondo pasatu dute.

Arratsaldean, HH-ko eta LH-ko ikasleek jaialdi bat ospatu dute, txalapartari eta guzti.
Danborrada hunkigarria izan da. Zornotzako danborradako abestia jo egin dute beste batzuen artean eta Euskal dantzak ere dantzatu dituzte.
Egun polita izan da gaurkoa, benetan.

EUSKAL ASTEA 2010-2011: ASTEARTEA

Gaur, Apirilak 12, Ikastetxean hainbat ekintza desberdin izan ditugu. Goizero bezala, DBH-koek irratsaioa egin dute, eta gaurkoak DBH-ko 1.mailakoak izan dira. Jarraian LH-ko 3.mailakoak, Zornotzako auzoak ezagutzera irten dira, ikasteko gogo handiekin. LH-ko 4.mailakoek ere, ibilaldia izan dute, eta hauek Durangaldera abiatu dira. Ondoren, LH-ko 6.mailakoak Zelaietara joan dira, Pako Aristiren “Miren nunca Mais” liburuari buruzko elkarrizketa bat izatera. Gaurko ekintzarik erakargarriena, Ipixkiren bisita izan da. DBH-ko 2.mailakoak egindako lana eskertzekoa izan da. Txikiak nahiz handiak, primeran igaro dute eguna, aho zabalik geratu dira Haur Hezkuntzako ikasleak. Irakasleek ere gogotsu dantzatu dute.
Arratsaldean berriz, LH-ko 5. eta 6.mailakoak, maitasunezko filme batez gozatu dute. “Polleke” izeneko maitasunez beteriko pasarteak izan dira aipatzekoak. Goizean bezala, DBH-ko 2.mailakoek 3, 4 eta 5 urteko haurrentzat egin dituzte antzerkiak, ipuinak, elkarrizketak…Noski, Ipixkiren laguntzaz.
Eta bihar gehiago!

BARATZE  BASERRI ESKOLA

Martxoak 31 eta Apirilak 1ean, Karmengo Ama Ikastetxeko 5 urteko umeek Baratze Baserri Eskolara irteera pedagogiko bat egin zuten.
Naturaz disfrutatzeaz   eta beste eskola  batzuetako umeekin elkar bizitzeaz gain, ekintza desberdinak egiten zituzten;  guztia giro euskaldun batean.

4. LH-ko ikasleak  Bilboko Euskal Museoan

4. LH-ko ikasleak Bilboko kaleetatik barrena ibili jakuz bariku honetan. Ibilbide honetan, Begoñako basílika izan da lehen geldialdia. Ondoren, Euskal museoa bisitatu eben. Museo honetan bizkaiko historiaurrea, arkeologia, eta Euskal Herriko Etnografia eta Historia ezagutzeko aukera izan dabe gure ikasleek. Bisita bukatuta, bilbo alde zaharreko kaleetatik ibili dira Santiagoko katedralera heldu arte..
Eguzkiak gogor berotu eban egun guztian eta gerizpe bila artxandara joan ziren gure ikasleak. Ederto batean igaro eben eguna ikasiz eta jolastuz.

EUSKAL ASTEA 2010-2011: ASTELEHENA

Gaur, Astelehenak 11, gure ikastetxean euskal asteari hasiera emon deutsagu hainbat motatako ekintzekin. Musikari trebe batzuek hasi dute festa kanta alai batzuk joten. Goiz-goizetik hasita, DBH 2. mailako ikasleek, irrati saioa prestatu dute. Guztiek entzun izan ahal duzue FM 108.0 katean. Jarraian gure txikiak, aretoan bildu egin dira euskararen aldeko jaialdia ospatuz.  Eguerdian jolastokian bildu gara eskola guztia Ipixkiri ongi etorria emoteko ,ekarri deuskun mezua zabaldu eta kompromesua berriztatzeko. Honetarako pasadan ebaluaketan klase bakoitzak jasotako landarak Lizarrera bajatu doguz, Ipixki eta bere soloaren  inguruan.  Arratsaldean zehar  LH koen olinpiadak izan doguz,kirol asko egin dabe eta HH koak “Ahatetxo itsusiaren abentura harrigarriak”filmaz  gozatu dabe.

Agenda 21

Pasadan apirilaren 5ean DBHko 1ngo mailako batzuk, zozketa baten bidez aukeratuak, Boroara Auzobusean joan ziren ortua ikustera herriko Agenda 21eko programa barruan.

DBHko 4.mailak Gasteizera

Pasadan apirilak 5ean, DBHko 4. mailako ikasleak irtenaldi bat egin genuen Gasteizera.
Bertan oraindik berreraikitzen dagoen Santa Mariako katedrala ikusi genuen.
Ondoren arte modernoaren “Artium” museoa ezagutu genuen. Bertan hainbat obra interesgarri eta desberdin ikusteaz gain tailer bat ere egin genuen gauza berriak ikasiz.
Egun dibertigarria izan zen guztiontzat eta eguraldia zoragarria izan zen. Argazkiak ikusi.

XXIV. EUSKAL KULTURA ETA EUSKARAREN ASTEA

Apirilaren 11tik 15era bitartean XXIV. Euskal kultura eta euskararen astea ospatzen dogu. Astean zehar aurrera eramango dogun programaren berri izan nahi ezkero irudiaren gainean sakatu behar dozu.

"Eskola jasangarria" Ziurtagiria lortzeko azterketa egin dogu

Karmengo Ama Ikastetxeak, konpromezua dauka bere inguru soziala eta kulturalarekin. Hori hainbat helburu, ekintza eta proposamenen bidez lortzen dogu, euren artean, Eskolako Agenda 21 programaren bidez.

Ekintza honen ibilbidea 2005-2006 ikasturtean hasi zan eta harreskerotik gure Hezkuntza Elkarteak, hainbat pauso emon dau jasangarritasunaren alde, bai sentsibilisazio mailan, bai ekintza planetan.

Bost urte pasatu eta gero, Hezkuntza Unibertsitate eta Ikerketa sailak eta Ingurumen, Lurralde Plangintza, Nekazari eta Arrantza Sailak eskeintzen daben “Eskola Jasangarria” deritxoen aintzatespena lortzeko eskaria egin dogu. Azterketa, martxoaren 23an izan da eta gure itxaropena da etorri diren Eusko Jaurlaritzako Ingurugelako arduradunek egin duguna maitasunez baloratu daien.

Eskerrik asko danori eta bereziki bisita egunean gure ordezkariak izan diren Maite, Rafa, Itziar eta Peio ikasleei eta baita Agenda 21 batzordeko irakasleei, Edurne eta Jabiri.

“Azterketa” honen emaitza ekainean argitaratuko da.

UDALEKUETAN PARTE HARTZEKO IZEN EMATEA ZABALDU DA

Ikasleen oporretan zehar hezkuntza eta entretenimendua elkartzen dituen aukera da. Ondo pasatzeko, ikasteko eta parte hartzeko aukera ezin hobea da. Udalekuak 3 urtetik 12 urte bitarteko ikasleentzat dira 9:00etatik 13:30ak arteko ordutegia izanik. Informazio gehiago nahi izanez gero irudian sakatu edo eskolako telefonora deitu (946730935).

Izen emate guztiak ikastetxeko IDAZKARITZAN ondo beteta eman behar dira Maiatzaren 3a baino lehen.

ZUHAITZA ETA URAREN ASTEA

Karmengo Ama ikastetxeak azkenengo egun honeetan Zuhaitza eta Uraren astea ospatu dau Udalaren proposamenetan parte hartuz.
Asko izan dira garatu diren ekintzak, batzuk ikastetxe barruan eta beste batzuk herriko kaleetan. Hemen aurkezten deutsueguz ekintza bi: alde batetik Lhko 5. mailakoek, astelehenean Zubiondo parkeko garbiketa garatu zuten, gure ingurua zaintzeko eta garbi mantentzeko helburua azpimarratuz.
Bestetik DBHko 1.go mailakoek Astepeko Araztegira bisitaldia egin dabe eta Lhko 6. mailakoek, barriz, Urritxeko Araztegia ezagutzeko aukera izan eben pasa den astean.
LHko 4. mailakoek zuhaitz landaketan parte hartu eben, Ixerangoko auzoan...
Ia ikasketa honeek inguru eta gizarteari begiak zabaltzeko gogoa eta ekimena bultzatzen dauan!

PAKEA BIZKAIARA BISITA

2011ko martxoaren 18an Pakea Bizkaia proiektua ezagutzeko, Getxoko portu deportibora hurbildu ginen.
Proiketuaren helburuak honek  dira:

• Nabigazioa eta talde lanarekin erlazionaturiko baloreak helaraztea.
•  Gazte eta eskola-umeak jabe daitezen Planetan eta Ozeanoetan gizakien jarduerak ingurumen-arazo ugari eragiten dituztela.
• Eskola-ume eta gazteek ingurugiroarekiko eta bertako bioaniztasunarekiko zaintzaren erantzukizuna garatu dezatela egunerokotasunean.

            Experientzia oso positiboa eta erakargarria izan da. Gure ikasleek itsasoak eta ozeanoak zaintzeko konpromisoa sinatzeko asmoa adierazi dute, baita ikasi dutena jakinarazteko ikastetxean mural bat egitea.

Aita Palauk Karmengo Ama ikastetxeko ikasle ohiak elkartzen ditu.

Aita Palauren jaiotzaren 200 urteurrena eta Kongregazioaren sorrearen 150. urteurrena ospatzen dira.

Martxoaren 20an, igandea, Karmengo Ama ikastetxeko 200 ikasle ohi inguru elkartu egin ziren mahai baten inguruan eskolako bizipenak gogoratzeko .  Eguna bideo baten proiekzioarekin hasi zen. Bideoan zehar kongregazioaren eta ikastetxeko joan etorria islatu zen.

Ondoren, Mario Iceta Gotzaina buru eta herriko apaizek lagunduta Eukaristia ospatu zen. Gotzainak Aita Palauren izaera eta egitekoak gogoratzea aprobetxatu zuen. Alaiak abesbatza eukaristian ere parte hartu nahi izan zuen abesti desberdinak kantatuz. Eukaristia amaitu eta gero ikasle ohien elkarteko kideek mahai batzuk jarri zituzten baten batek elkartean apuntatu nahi izanez gero izena emateko.

Eguna bukatzeko herri bazkaria izan genduan. Bertan, ikasle ohiak eta herri desberdinetatik etorritako Ahiztak parte hartu zuten. Berbenak egunari amaiera eman zion eta dantzalekuaren inguruan belaunaldi desberdinetako ikasle ohiak elkartu ziren.

Oroitzapenak eta bitxikeriak gogora ekarteko egun ezin hobea izan zen.