ELKARTASUN PROIEKTUA

07/08 ikasturtean zehar Pastoral Taldeak elkartasun proiektu berri batean parte hartzea bultzatu du, ikastetxean gaudenok motibatu eta sentsibilizatzeko asmoz, batez ere, ikasleria behartsuenganako elkartasunean. Proiektu honek beste ekintza guztiak batzen ditu eta gure helburu nagusia sentsibilizazioa da.
Elkartasun egitasmo honek, arazo larrian dagoen San Pabloko (Ecuadorren) eskola -jantoki bati laguntzea du helburu. Bertara oinarrizko beharrizanak asetu barik dituzten 25 ume hurbiltzen zaizkie egunero. Aurrekontu orokorra 24.269,70€ dira. Gure aportazioa 3345 €koa da.

Azkenengo hiru hilabetean hurrengo ekintza hauek eraman ditugu aurrera. : Elkartasun donutsa.
Elkartasun zozketa (Ikastetxe eguna).Saria “KEBI SPORT” dendako 100€ko txartela izan zen. Elkartasun logotipo lehiaketa, apirilean burutu zen eta LHko 6. mailatik DBHko 4. mailako ikasleentzat zuzendu zen. Parte hartzea ona eduki genuen eta lehiaketaren irabazlea NAHIKARI SARRO izan zen (DBHko 4D) Logotipo hau elkartasun kamisetetan erabili da eta hauek Gurasoen Elkarteak eta Pastoral taldeak batera egin dituzte.

Pastoral Sailak zeuen parte hartzea eta laguntza eskertzen du

Joan dan Ekainaren 19an gure ikasleak agurtu doguz, hainbat ekintzekaz, euren lanak ikusiz, meza polita ospatuz eta euskaldun jatorren moduan koputxu bat eginez!!!

Zorionak danori eta suerterik onena zeuen ikasbide berrietan!!!!

Arrakasta itzela bai ekintzetan, baita partehartzean ere, eta eguraldiak ere lagundu egin zigun! Jaiari hasiera eman zitzaion kirol txapelketekin; ondoren kontzertu eta diskotekaren txanda etorri zen. Meza oso polita ospatu genuen txirulekin eta gitarrekin, jolasekin txikienak izugarri ondo pasatu zuten, nagusiek euskal dantzak, erakusketak eta gimnasia ikusten gozatu egin genuen eta gazteak tailerretan, Ipixkirekin, mikrofonoarekin eta elkartasun proiektuarekin laguntzen. Tabernako zerbitzua ederra, sendiek egindako pintxo gozo- gozoekin. Ainhoa eta Olatzen Ipuin Musikala benetan ekintza ikusgarria izan zen eta giroa, bazkaria, bitsa, karakokea eta txokolatadarekin osatu zen. Esker beronak Karmengo Amaren hezkuntz elkarte guztiari hain jai handi eta berezia egiteagatik.

Karmengo Ama Mendi Taldea

Konturatu barik beste ikasturte bat igaro jaku eta hainbat toki eder ezagutu doguz.  Aurtengo taldea oso zintzoa izan da eta bidaia guztietan hogeita hamar ikasle baino gehiago egon dira.  Betaio mendia Sopuertan, Espaldaseca mendia Balmasedan, Eskoritas mendia Arrespalditzan, Bedertzandi mendia Markinan eta bertoko Bizkargi ere ikustatu doguz.  Berrizeko azken festa ere ahaztuezina izan zan.

Beno, uda dator eta eguraldi onak ere hondartzara zein MENDIRA joateko aukera ikaragarri bat dakarzku. Atxarreko San Pedro, Ibarrangelun, adibidez.  Ordu erdiko ibilbide bat Akordatik eta Urdaibaiko ikuspegi ederrenetariko bat.  Eskerrik asko baita gure taldeko kideei: Jon, Mariano, Peio, Ane, Bego eta Xabi!!!!!!   Datorren ikasturterarte

Joandako larunbatean maiatzak 31, "El Carmelo" ikastetxeko jaialdiko ekintzen ospakizunen artean, "Karmengo Ama" taldeak Lehen Hezkuntzako 1. eta 2. mailetako ikaslez osaturik, Aita Zabala futbito lehiaketan parte hartu zuen beste ikastetxeetako taldeekin batera.

AITONA 2008
Belaunaldi Berria

Apirilak 25ean irten ginen Aitonarantza (Lleida). Bidaia apur bat luzea egin zitzaigun, 6 ordu ziren eta, baina geldialdi bi egin eta gero, bat Logroñon eta beste bat heldu aurretik, ez zen izan hainbesterako. Gainera, bidaian jolasten eta Kontxirekin solasean ibili ginenlez, nahiko jasangarria izan zen.

Hara heldu ginenean, lehenengoak ginela ikusi genuen, nahiz eta urrunen bizi ginenak izan. Horregaitik, herritik bueltatxo bat emateko denbora izan genuen, baina berehala bueltatu ginen, apur bat berandu eginten zitzaigun eta. Pixka bat beranduago Irunekoak heldu ziren eta aurkezpenak egin eta gero, Tarragonakoak itzarotera bajatu ginen. Gero, jantokira igon ginen eta afaldu ostean kaperara otoitz egitera joan ginen. Gero gure logelatara joan ginen, lo egitera, baina azkenean lo gutxi egin genuen. 6etan geratu ginen lo eta 8etan gora berriro.

Bigarren egunean esnatzerakoan denok oso nekatuta geunden, eta gozaldu eta gero patiora bajatu ginen Mireiarekin dinamika batzuk egitera. Oso pozik ibili ginen armiarma sarearen jokua egiten eta abar. Gero taldeka jarri ginen eta ormairudi bat egin genuen, beranduago danon aurrean aurkeztuko genuena. Horren ostean, motxilak janariarekin hartu eta Aita Palauren kobazulora abiatu ginen. Kobazuloa ikusi eta gero, jolasten ibili ginen eta batzuk urez busti ziren, bero itzela egiten zuen eta. 8etan herrira jaitsi ginen eta aizta batekin elkartu ginen, Fernandarekin batera etxea erakutzi zigula. Horren ostean ikastetxera joan ginen eta afaldu eta gero oso joku dibertigarriak euki genituen; oso pozik ibili ginen. Otoitza eta gero, logelatara joan ginen eta han denok kartetan jolasten ibili ginen.

Hirugarren eta azken eguna izan zen alaiena eta aldi berean tristeena, agur esan behar genuelako. Goizean, meza ospatu eta gero, ikaskide bati telefonoz deitu zioten, esateko bere lagun bat hil egin zela, operazio txar bat eta gero. Oso txarto sentitu ginen denok eta otoitzean eta Aita Palauren kobazuloan bere izena aipatzea erabaki genuen denok. Gero agurra oso tristea izan zen ze, nahiz eta hiro egun baino ez egon elkarrekin, oso lagun onak egin ginen danok. Negar asko egin eta gero, Zornotzarako furgonetan igon ginen. Bidai ona izan genuen, eta naiz eta triste egon, bagenekien datorren urtean berriro denok elkarrekin egongo ginela.

Horregaitik guztiagaitik, animatu nahi zaituztegu gurekin Aitonara etortzeko. Muzu handi bat ere Aitonan ezagututako pertsona guztiei, oso atzeginak zirelako. Gogoan zaitugu.

Iraia, Aida eta Leire

"Baratze" Baserri Eskola

Apirilaren 17-18an Haur Hezkuntza 5 urteko umeak BARATZE Baserri Eskolara joan ginen bi egun eta gau bat bertan igarotzeko. Hasiera baten, eguraldiak lagundu ez arren, orduak aurrera egin ahala, txubaskeroa kentzea lortu gendun. Ortuan lurra atxurtu, barazkiak ureztatu eta bedar txarrak kendu genduzan. Etxera heldu ginenean, sukaldean egindako bizkotxo gozo-gozoa jan gendun. “Eguzki” zaldian bueltaka ibili ginen eta gure lagun handia egin zan. Kortako animaliak garbitu eta laztandu egin genduzan, eta baita ere janaria emon. Oso ondo pasatu gendun eta pena handiz bueltatu ginen.

"LURRASKA" BASERRI ESKOLA

Martxoaren 31n LHko 2.mailakoak “Lurraska” baserri eskolara joan ginen. Hiru egunetan baserri giroan murgilduta: animaliak zaintzen, ortuko lanak egiten, sendabelarrak ezagutzen…. Liburuetan ikasten duguna bizitzea izan da helburua. Baita ere guraso barik egoteko gai izatea ere.

"TRINKETE ETXEA"

4. mailakoak Lekeitioko Trinkete etxera joan ziren apirilaren 2an hiru egunetarako. Bertan kostaldeko herri polit bat ezagutzeko aukera izan zuten. Itsasontzi bat barrutik, Isuntza arraun elkartea, arraindegi bat, kofradia, Otoio mendia eta talaia, itsas argiak, paisaiaren eraldaketa itsasoaren eraginez, arrantza egiteko erak, itsasaldeko kondairak eta beste gai batzuk ere aztertu zituzten. Guzti hau euskal giro jatorrean bizi izan zuten.